بالفيديو – إليسا: أعيش قصة حب والزواج ليس ضرورياً

وقالت إليسا خلال استضافتها في برنامج “مع الشريان” الذي يقدّمه الإعلامي السعودي داوود الشريان عبر MBC1: “اسألوا أحد الفلاسفة مرة كيف بتعامل المرأة العاقلة زوجها؟ فردّ إن المرأة العاقلة لا تتزوج والرجل العاقل المفروض ما يتزوج”.

وأضافت: “لما كنت أصغر الحب فيك تعيشه كل الوقت وفيك تعيش علاقة حب عشان تتزوج؛ لأن الحب أساسي في حياتك يعني… أنا بحب الرجل وبحبه بقوة، وبحس إنه نصي التاني ولازم يكمل، لكن مش شرط أتجوز، أول شيء صار متأخر كتير، والفكرة أصبحت خارج نطاق تفكيري، ومن أنا وصغيرة كانت أمي دايماً تقولي نفرح فيكي أو يجي ناس يقولولي نفرح فيكي، وبيي كان ضد ودايماً يقول نفرح بشهادتها وبكره بتشتغل وخلّيها تاخد شهادتها وتشتغل وتستقل، وبعدين هي بتقرر، وهيدي الشغلة كتير مليحة؛ لأن أنا لما اشتغلت وطلّعت مصاري استقليت مادياً وصار عندي استقلال فكري واجتماعي وما لقيت إني بحاجة لوجود رجل ومش غلط إني إتجوز لكن ما عاد حسيت إني بحاجة لوجود رجل بحياتي”.

واستطردت بالقول: “عشت كذا علاقة حب ومش كتير، دايماً لما بتكون المرأة أهم من الرجل بيحاول يحطّمها ويقلّل من شأنها، وهيدا الشي أنا لاحظته أكتر من مرة وقررت إني ما ارتبط بحدا”.

واختتمت إليسا حديثها مؤكدةً: “أنا بحكي عن تجربة شخصية، لقيت إن الناس اللي أنا حبيتهم جرّبوا كتير يقلّلوا من شأني؛ لأنهم كانوا أقل مني بالنجاح، يمكن لأن النجاح الرجال ما بيتقبّلوه بسهولة، والمرأة ما بتغار من نجاح الرجل، بس الرجل بيغار، ولقيت إني أنا بخير وعندي شخص بقلبي وبحبه يمكن بعدين ارتبط فيه ومش شرط جيب أولاد لكن بس بدّي عيش معو، والزواج منّو شغلة أساسية في حياتنا”.