هوى الشام
اليوم رح ناخدكن مشوار على قرية السمرا باللاذقية اكيد كتار منكن سمعو فيها او راحو زاروها لأنو تصور فيها مسلسل ضيعة ضايعة.
هالقرية هي من القرى التابعة لناحية كسب باللاذقية بتحدها الجبال الشامخة، وبتنبسط عبر البحر وبتبعد 7كم عن بلدة كسب وهي من أجمل مناطق سورية الساحلية كونها بتشكل آخر نقطة حدود على ساحل البحر الأبيض المتوسط مع تركيا،وبتتوضع بوادي بين جبلين على شكل حرف V الهن انحدار حاد كتير وتعرضت لعدة كوراث وانهيارات جبلية آخرها سنة 1942 لانها بتتوضع على أرض متحركة.
غالبية سكان هالقرية بيحكو اللغة الأرمنية والعربية ولهجة محلية كمان اسمها ‘الكسبلية’ نسبة لمدينة كسب، وزاد تصوير مسلسل ‘ضيعة ضايعة’ بهالقرية من شهرتها، فصارت من اهم مواقع الاصطياف للكتير من العرب والسوريين, كونها بتتمتع بجو لطيف وطبيعة خلابة وبيتم الوصول الها من بلدة كسب أو بلدة البدروسية جنب رأس البسيط على شاطئ المتوسط، وبيستغرق السير بهالطريق نحو تلت ساعة بالسيارة.
بتتربع السمرة بأقصى الشمال الغربي للاذقية وبتتميز بمناظرها الخلابة، وجبالها الشاهقة والعدد الكبير لوديانها يلي بتنحدر باتجاه البحر الأبيض المتوسط وطرقاتها الحجرية وجوها اللطيف وطبيعتها الرائعة وبيوتها القديمة الطينية القليلة يلي تصورت فيها جميع مشاهد مسلسل “ضيعة ضايعة”.
والسمرا في جنبها مطعم سياحي بيستقبل يوميا عشرات الزوار وفيها عدد من الشقق المفروشة المخصصة للإيجار والمطاعم اللي بتتميز بالمأكولات البحرية والمحلية ، وبعدها محتفظة حتى اليوم بالبيوت القديمة ( حجرية – ترابية ) وبتتمتع بشاطئ رملي نظيف وهي الامتداد الطبيعي لمنطقة رأس البسيط.
هوى الشام| تأهل فريق الجلاء الى المربع الذهبي لسلة المحترفين بعد فوزه الجدير والكبير على…
هوى الشام| عثر فريق الإنقاذ في فوج إطفاء حماة ، قبل قليل على جثمان الشاب…
هوى الشام| توج منتخب اليابان لكرة القدم بطلاً لكأس آسيا للمنتخبات الأولمبية (23 سنة) عقب…
.هوى الشام | توقعات الأبراج اليوم 3-5-2024 وحركة الكواكب وصفات مواليد اليوم على هوى الشام…
هوى الشام| متابعة لما أقرته اللجنة الاقتصادية في رئاسة مجلس الوزراء بجلستها المنعقدة في الثلاثين…
هوى الشام| حذرت المديرية العامة للأرصاد الجوية من اشتداد سرعة الرياح الجنوبية الغربية خلال يومي…
We use cookies to ensure that we give you the best experience on our website.