دمشق – هوى الشام من عاليا عيسى
حيوان إنت ما بتفهم ولاااه ؟ انقلع ع مقعدك ….تضرب منك إلو .. اخرسوا كلكن ..منرجع لدرسنا” ..يتكون الدماغ من..
أمين طالب الصف الرابع الابتدائي يغمض عينيه .. يفتحهما مستغرباً أن توجه له معلمته هذا الكلام الذي يصنف مكانه في الشارع لا المدرسة .. يتساءل إن كان سؤاله عن الفرق بين المخ والمخيخ يستحق كل هذا؟.. يجلس صامتاً شارداً يتابع درس العلوم .يواسيه زميله وجاره في المقعد “قلتلك خليك ساكت ..بدك تسأل ..شوف شو صار فيك ؟”.
“شو هالحكي” ..أول رد فعلٍ لوالدته ..وكان الثاني .. بدك تطنش ..إنت شاطر و بتفهم والآنسة يمكن معصبة ..إنتو كتار بالصف والله يعينا إذا بدا ترد ع كل طالب بيخلص الوقت وما بتاخدو الدرس ..
حدث هذا منذ أيام .. ويبقى السؤال أين التربية في مدارسنا وهل يستحق طلبتنا هذا الكم من الإهانات من قدوة يسمونها الأستاذ وإلى أين يذهب بنا تعليم نحرّم فيه السؤال وهل سيجد الوقت مبررا لنا مستقبلاً ..وهذا التطنيش عن زوال النبل من مهنة التعليم يقودنا إلى أين؟ ومن المسؤول ؟
